Trawsgrifiad Fideo Gwaedu

Mam: Mae’r rhain yn edrych yn wych.

Beth: Diolch, Mam!

Georgia: Diolch, Jacqui!

Mam: Dyna seren arall wedi'i gwneud. Www, mae angen i mi gymryd yr alwad hon yn yr ystafell arall. Peidiwch â thorri dim byd. Dim ond munud fydda i. Helo, o helo Denise, ie...

Beth: Mae dy un di'n edrych yn dda iawn!

Georgia: A dy un di hefyd.

Beth: Mewn ffordd, byddai'n well gen i pe baen ni wedi gwneud mygydau nawr, ond rwy'n dal i hoffi barcudiaid.

Georgia: Fy mraich!

Beth: Wyt ti’n iawn? Rwyt ti’n gwaedu.
 
Georgia: Mae’n gwaedu llawer.

Beth: Brysia! Pwysa arni hi. Stopia’r gwaed.

Georgia: Mi ydw i.

Beth: Fe af fi i nôl lliain sychu llestri.

Georgia: Mae’n brifo!

Beth: Mae’n iawn; cadwa’r pwysau arni er mwyn stopio'r gwaedu. Mam!

Georgia: Rwy'n teimlo ychydig yn sâl.

Beth: Mae’n iawn. Cadwa’r pwysau arni. Mam!

Mam: Beth sy’n digwydd? Georgia!

Beth: Mae hi wedi agor ei braich. Mae’n gwaedu. Mae’n gwaedu llawer. Mae angen i ni alw ambiwlans!

Mam: Defnyddia fy ffôn i, Beth. Mae’n iawn.
 
Beth: Helo, ie, mae angen i ni gael ambiwlans.

Beth: Os bydd rhywun yn gwaedu, pwyswch yn galed ar y man sy'n gwaedu. Ewch i roi gwybod i oedolyn a ffonio 999. Daliwch ati i bwyso arno nes bydd help yn cyrraedd. Os bydd rhywun yn gwaedu, cofiwch bwyso arno’n galed.