Torri asgwrn
Dysgwch sut i helpu rhywun sydd wedi torri asgwrn
Amcanion dysgu
- Dysgu sut i adnabod pan fydd rhywun wedi torri asgwrn o bosibl
- Dysgu’r camau allweddol i’w cymryd pan fydd rhywun wedi torri asgwrn o bosibl
- Ymarfer rhoi’r camau allweddol ar waith mewn sefyllfa hysbys drwy sesiwn chwarae rôl
- Rhannu rhywbeth creadigol er mwyn rhoi gwybod i bobl eraill sut gallan nhw helpu rhywun sydd wedi torri asgwrn o bosibl
Oes gennych chi ID dysgwr?
Mewngofnodwch i gadw a thracio eich canlyniadau
Cliciwch drwy’r sleidiau isod i wylio’r ffilm
Mae Rose a’i ffrindiau yn gadael y gwaith pan mae Lara’n syrthio i lawr y grisiau ac yn anafu’i braich. Mae Rose yn meddwl yn gyflym ac yn cymryd camau i helpu.
Nesaf
Mae Lara, Paul a minnau yn gweithio gyda’n gilydd yn y sinema. Pan ddaeth ein shifft i ben roeddem ar frys i adael – roedd gennym barti i fynd iddo. Er mwyn arbed amser, fe adawon ni drwy’r fynedfa gefn sydd agosaf at y maes parcio. Wrth i ni ruthro i lawr y grisiau metel, llithrodd Lara a chwympo ymlaen.
Nesaf
Clywais sŵn cracio wrth iddi lanio ar ei braich. Roedd yn swnio’n ofnadwy, ac roedd Lara yn amlwg mewn llawer o boen.
Nesaf
Rhuthrodd Paul a minnau i lawr i’r man lle’r oedd Lara wedi syrthio i weld a oedd hi’n iawn. Dywedodd ar unwaith ei bod wedi torri ei braich – roedd yn boenus iawn ac wedi plygu ychydig o’i siâp.
Nesaf
Roedd Paul yn meddwl y dylem fynd â Lara i lawr i’r maes parcio ond fe wnes i wneud i Lara eistedd lle’r oedd hi. Gallwn weld bod Paul wedi cynhyrfu braidd. Gofynnais iddo ffonio 999 ar ei ffôn symudol tra’r oeddwn i’n helpu Lara.
Nesaf
Wrth i Paul siarad â’r gwasanaethau brys, tynnais fy sgarff a’i ddefnyddio fel padin ar gyfer braich Lara.
Nesaf
Fe wnes i hefyd ei hannog i gynnal y fraich a anafwyd gyda’i llaw arall. Rhoddais wybod i Lara fod yr ambiwlans ar ei ffordd ac fe wnaethom ni aros gyda hi nes i help gyrraedd. Roedd gwybod eu bod ar eu ffordd yn gwneud i mi deimlo’n well. Erbyn hyn, doedd dim ots am gyrraedd y parti.
NesafOs oes gan rywun asgwrn wedi torri, mae’n bosibl y bydd yr aelod yn edrych yn ddi-siâp a bydd yn boenus. Beth arall allai fod yn arwydd bod asgwrn wedi torri?
Os ydyn ni’n meddwl bod rhywun wedi torri asgwrn, beth ddylen ni ei wneud i helpu?
Cymryd camau: Os oes rhywun wedi torri asgwrn, cadwch yr anaf yn llonydd ac yn cael ei gynnal.
Cychwyn etoCliciwch y linc isod i ddarllen y trawsgrifiad ffilm
Beth i’w wneud os bydd rhywun wedi torri asgwrn
Cam 1
Mae gan y person boen, clais neu chwydd neu mae’n gorwedd mewn safle annaturiol, yn dilyn cwymp neu ergyd gan wrthrych.
Cam 2
Cynhaliwch yr anaf â'i law, neu defnyddiwch glustog neu ddillad i atal unrhyw symud diangen.
Cam 3
Cyn gynted â phosibl, ffoniwch 999 neu gofynnwch i rywun arall wneud hynny. Parhewch i gynnal yr anaf nes bydd help yn cyrraedd.
Allwch chi helpu rhywun sydd wedi torri asgwrn?
Dysgu
Mae’r gweithgareddau hyn yn helpu pobl ifanc i ddysgu beth i’w wneud pan fydd rhywun wedi torri asgwrn.
0.4mb
Torri asgwrn – gweithgaredd dysgu
0.1mb
Torri asgwrn – arweiniad sgiliau dysgwyr
Ymarfer
Mae’r gweithgareddau hyn yn helpu pobl ifanc i ymarfer sut i helpu rhywun sydd wedi torri asgwrn.
0.4mb
Ymarfer y sgìl cymorth cyntaf
0.2mb
Torri asgwrn - Ymarfer: Cardiau chwarae rôl
Lawrlwytho Torri asgwrn - Ymarfer: Cardiau chwarae rôl (PDF)
Rhannu a chofio
Mae’r gweithgareddau hyn yn helpu pobl ifanc i gofio’r camau allweddol a rhannu eu gwybodaeth ag eraill.
Neu ewch i...
Llosgiadau
Dysgwch sut i helpu rhywun sydd â llosg
Helpu eraill
Cyfle i ddysgu am effaith y gwyliwr a'r hyn sy’n cymell pobl i helpu
Diogelwch a lles
Cyfle i ddysgu ac i ymarfer sut i gadw’n ddiogel, defnyddio sgiliau ymdopi a gofalu am eich llesiant wrth helpu pobl eraill.