Ymarfer sgiliau cymorth cyntaf

Ar ôl i’ch grŵp ddysgu amrywiaeth o sgiliau cymorth cyntaf, gallant eu hymarfer er mwyn gweld beth maen nhw wedi’i ddysgu a rhoi eu sgiliau ar waith.  Mae modd defnyddio’r syniadau ar gyfer gweithgareddau isod mewn grwpiau. Maen nhw’n weithgareddau rhyngweithiol a chyflym sy'n atgoffa dysgwyr beth i’w wneud pan fydd angen cymorth cyntaf ar rywun.

Syniadau gweithgareddau ymarfer

Ymarfer y sgiliau

Bydd y dysgwyr yn ymarfer defnyddio’r sgiliau maen nhw wedi’u dysgu drwy feimio’r camau neu eu hymarfer ar fanicin. Anogwch y dysgwyr i wneud hyn mewn parau a gwylio a chefnogi ei gilydd er mwyn gwneud yn siŵr eu bod yn dilyn y camau’n gywir.

Carwsél sgiliau

Bydd y dysgwyr yn ymarfer adnabod yr anaf/salwch a’r camau cymorth cyntaf cywir sydd eu hangen i helpu drwy symud rhwng gorsafoedd cymorth cyntaf mewn carwsél. Bydd rhywun ym mhob gorsaf yn darllen yr arwyddion a’r symptomau y mae’r person hwnnw’n eu dangos, a bydd y dysgwyr yn dweud beth ydyw a sut dylen nhw helpu.

Eitemau cymorth cyntaf pob dydd

Dangoswch ddetholiad o eitemau pob dydd i'r dysgwyr y gallen nhw ddod o hyd iddyn nhw o gwmpas eu tŷ neu yn eu meddiant a gofynnwch iddyn nhw baru’r eitem â’r sgìl a disgrifio sut bydden nhw’n ei defnyddio i helpu.

Chwarae rôl

Mewn grwpiau bach, anogwch y dysgwyr i ddarllen drwy’r detholiad o gardiau chwarae rôl ar bob un o’r tudalennau sgiliau cymorth cyntaf a thrafod y gwahanol bobl dan sylw, sut gwnaethon nhw helpu a sut gallen nhw helpu’n wahanol yn y dyfodol. Defnyddiwch ddetholiad o weithgareddau eraill i berfformio’r gweithgareddau chwarae rôl hyn ac ymchwilio i’r adegau allweddol yn y stori.