Addysgu cymorth cyntaf
Addysgu cymorth cyntaf yn hyderus
Dechrau arni gyda Hyrwyddwyr Cymorth Cyntaf
P'un a ydych wedi addysgu cymorth cyntaf o'r blaen neu'n gwbl newydd iddo, bydd yr adnodd Hyrwyddwyr Cymorth Cyntaf yn eich helpu i gyflwyno sesiynau addysgu cymorth cyntaf yn hyderus yn eich ysgol neu grŵp ieuenctid. Drwy weithgareddau hawdd eu dilyn ac amrywiaeth o ddeunyddiau ategol diddorol ac effeithiol, mae’r adnoddau’n syml i’w haddysgu ac yn hawdd eu dysgu. Nid oes angen unrhyw hyfforddiant cymorth cyntaf ffurfiol arnoch i ddarparu sesiynau effeithiol.
Sut i ddefnyddio Hyrwyddwyr Cymorth Cyntaf
Wrth i chi weithio drwy Hyrwyddwyr Cymorth Cyntaf, bydd eich dysgwyr yn dilyn cymeriadau cyfarwydd ac yn dysgu am gymorth cyntaf mewn sefyllfaoedd bob dydd realistig. Bydd pobl ifanc hefyd yn dysgu am helpu eraill, yn ogystal â sut i gadw’n ddiogel a gofalu am eu llesiant mewn sefyllfaoedd cymorth cyntaf. Mae gan bob modiwl ffilmiau, ffotograffau, darluniau, gweithgareddau a chwisiau i gefnogi eich sesiynau. Mae yna hefyd fodiwl sy’n cynnwys syniadau i bobl ifanc gofio’r hyn maen nhw wedi’i ddysgu ac yna ei rannu ag eraill.
Arweiniad a chymorth i athrawon ac addysgwyr
I gael rhagor o wybodaeth am sut i ddefnyddio Hyrwyddwyr Cymorth Cyntaf, lawrlwythwch yr arweiniad i athrawon ac addysgwyr.
Cysylltiadau â’r cwricwlwm
Mae manylion llawn am sut mae gweithgareddau’n cael eu mapio i’r cwricwlwm cynradd yng Nghymru, Lloegr, yr Alban a Gogledd Iwerddon ar gael yn y dogfennau canlynol i’ch helpu i addysgu cymorth cyntaf mewn ysgolion:
Trefn a awgrymir i addysgwyr uwchradd
Nod y ddogfen hon yw helpu athrawon ysgolion uwchradd i drefnu cynnwys Hyrwyddwyr Cymorth Cyntaf ar draws grwpiau blwyddyn. Dyma ddull a awgrymir – unwaith y byddwch yn dod yn gyfarwydd â’r pecyn cymorth, gallwch strwythuro gwersi yn seiliedig ar anghenion eich dosbarth, eich ysgol a’r cwricwlwm.
Fy Ngrwpiau a gwerthuso
Defnyddiwch Fy Ngrwpiau i greu grwpiau ac olrhain cynnydd eich dysgwyr. Bydd Fy Ngrwpiau yn olrhain canlyniadau cwis a hyder plant wrth ddefnyddio sgiliau cymorth cyntaf. Pan fyddwch yn creu grŵp, bydd cod unigryw yn cael ei greu ar gyfer pob person ifanc. Yna gallwch fonitro eu cynnydd heb orfod cofrestru unrhyw ddata personol. Gwiriwch ein canllawiau yn y Parth Addysgwyr!
0.5mb
Cwis uwchradd - cwestiynau ac atebion
0.3mb
Tystysgrif Uwchradd
Creu amgylchedd dysgu diogel, cynhwysol a chefnogol
Bydd y canllawiau a’r ddogfen weithgareddau hon yn eich helpu i greu amgylchedd dysgu diogel, cynhwysol a chefnogol. Defnyddiwch nhw wrth archwilio’r pynciau a’r cysyniadau yn yr adnodd hwn gyda phobl ifanc.
0.6mb
Arweiniad addysgu
0.3mb
Cyflwyniad PowerPoint
Cwestiynau Cyffredin
Oes gennych chi gwestiwn? Mae’r ateb i’r cwestiynau mwyaf cyffredin am Hyrwyddwyr Cymorth Cyntaf ar gael yma:
Mae’r amcanion dysgu ar draws Hyrwyddwyr Cymorth Cyntaf yn gysylltiedig â chwricwlwm holl wledydd y DU, gan gynnwys y canllawiau gorfodol ar gyfer addysg iechyd yn Lloegr.
Drwy gymryd rhan yng ngweithgareddau’r adnodd Hyrwyddwyr Cymorth Cyntaf, bydd plant yn:
- Deall beth yw cymorth cyntaf
- Dysgu sgiliau cymorth cyntaf ac am driniaeth sylfaenol ar gyfer anafiadau cyffredin
- Ymarfer defnyddio sgiliau cymorth cyntaf, gan gynnwys sut i gywasgu’r frest (CPR)
- Dysgu am ddiffibrilwyr a phryd y gallai fod angen un
- Teimlo’n hyderus i helpu rhywun sydd angen cymorth cyntaf
- Dysgu am helpu eraill
- Dysgu am effaith y gwyliwr
- Dysgu sut i gael help yn ddiogel mewn argyfwng, gan gynnwys ffonio 999
- Dysgu ac ymarfer gofalu am eich llesiant
- Dysgu ac ymarfer sut i gadw eu hunain ac eraill yn ddiogel
- Dysgu am y Groes Goch
Mae’r pecyn cymorth wedi’i rannu’n bedwar modiwl:
Modiwlau un i dri – Sgiliau cymorth cyntaf, helpu eraill, a diogelwch a llesiant Rhennir y rhain yn weithgareddau “Dysgu” ac “Ymarfer”, fel bod pobl ifanc yn dysgu sgiliau newydd ac yn teimlo eu bod wedi’u grymuso i’w defnyddio.
Modiwl pedwar – Rhannu a chofio. Mae'r modiwl hwn yn awgrymu ffyrdd y gall pobl ifanc gofio'r hyn y maent wedi'i ddysgu ac yna ei ddatblygu ymhellach drwy ei rannu ag eraill.
I gael rhagor o wybodaeth am strwythur Hyrwyddwyr Cymorth Cyntaf, lawrlwythwch yr arweiniad i athrawon ac addysgwyr: sut i ddefnyddio'r adnodd
Nac oes. Mae’r adnoddau’n defnyddio iaith syml a ffotograffau a ffilmiau ategol i ddangos i chi a’ch dysgwyr sut mae gweithredu i helpu person sâl neu anafus. Os byddwch yn dewis gwneud, gallwch roi arddangosiadau i gefnogi eich sesiynau. Gwnewch yn siŵr eich bod yn defnyddio manicin ar gyfer unrhyw weithredoedd sy’n cynnwys grym, fel cywasgu'r frest.
Nid oes angen blwch cymorth cyntaf i ddarparu sesiynau cymorth cyntaf. Y rheswm am hynny yw efallai na fyddwch bob amser yn gallu cael gafael ar flwch cymorth cyntaf mewn argyfwng. Mae sawl ffordd arall o ddarparu triniaeth cymorth cyntaf gan ddefnyddio eitemau bob dydd. Mae’r gweithgareddau, y ffotograffau a’r ffilmiau yn yr adnodd hwn yn cynnwys syniadau ar gyfer eitemau bob dydd y gellid eu defnyddio mewn argyfwng cymorth cyntaf.
Byddem wrth ein bodd yn clywed am eich straeon cymorth cyntaf go iawn. Anfonwch neges e-bost at youtheducation@redcross.org.uk.
Adrannau eraill a allai fod o ddiddordeb i chi
Sgiliau cymorth cyntaf
Dysgu ac ymarfer 17 o wahanol sgiliau cymorth cyntaf y gall myfyrwyr ysgol uwchradd eu defnyddio i helpu eraill.
Helpu eraill
Cyfle i ddysgu am effaith y gwyliwr, yr hyn sy'n cymell pobl i helpu a rhinweddau'r bobl sy'n gweithredu.
Diogelwch a lles
Cyfle i ddysgu ac i ymarfer sut i gadw’n ddiogel, defnyddio sgiliau ymdopi a gofalu am eich llesiant wrth helpu pobl eraill.
Rhannu a chofio
Cyfle i rannu’r pethau rydych chi wedi’i ddysgu ag eraill, a chofio’r pethau rydych chi wedi’i ddysgu.