Dysgu cymorth cyntaf i bobl ifanc 11-18 oed

Croeso i Hyrwyddwyr Cymorth Cyntaf, lle byddwch chi’n dysgu sgiliau cymorth cyntaf pwysig.

Gallwch archwilio hyd at 17 o sgiliau cymorth cyntaf gwahanol drwy ffilmiau, gweithgareddau a chwisiau.  Byddwch chi’n dysgu sgiliau cymorth cyntaf mewn camau syml, gyda chamau allweddol i’w cymryd er mwyn i chi allu cofio’n hawdd beth i’w wneud pan fydd angen help ar rywun. 

Yn ogystal â dysgu ac ymarfer sgiliau cymorth cyntaf, byddwch chi’n dysgu am helpu eraill, diogelwch a lles. Hefyd, mae awgrymiadau i’ch helpu i gofio’r hyn rydych chi wedi’i ddysgu a syniadau ar gyfer rhannu’r hyn rydych chi wedi’i ddysgu ag eraill.

Cyflwyniad i’r Groes Goch

Yn ogystal ag addysgu sgiliau cymorth cyntaf i bobl, mae’r Groes Goch yn helpu pobl yn y DU a ledled y byd mewn ffyrdd eraill. Gwyliwch y ffilm am y Groes Goch Brydeinig, a’r gwaith mae’n ei wneud.

Meddwl, paru, rhannu

Meddyliwch am rôl caredigrwydd a helpu pobl eraill mewn cymorth cyntaf. Ysgrifennwch eich syniadau mewn ymateb i’r cwestiynau isod, neu trafodwch nhw gyda phartner.

• A yw helpu pobl eraill yn bwysig?
• Beth mae cymorth cyntaf yn ei olygu?
• Pa rinweddau personol y gallai fod gan rywun a allai ei alluogi i helpu eraill?
• Beth allai atal rhywun rhag helpu person arall? Sut gallai oresgyn hyn?
• A yw helpu eraill a dysgu sgiliau cymorth cyntaf yn newid ein cymuned neu gymdeithas?